راشد خان د BBL سیالیو درېمه لوبه کې هم دوه لوبغاړی وسوزل

راشد خان د استرالیا BBL یا بېګ باش شل اوریزه کرکټ سیالیو کې د خپلې لوبډلې لپاره په دریمه لوبه کې هم دوه لوبغاړی وسوزول.

دا د بېګ باش سیالیو دولسمه لوبه وه.

په دې لوبه کې د راشد اړوند اډیلیډ سټرایکرز لوبډلې د بریسبین هیټ لوبډلې ته په ۵۶ منډو ماتې ورکړه ، چې په دې سیالیو کې یې پرله پسې دریمه لوبه وګټله او د جدول لومړی مقام یې هم خپل کړ.

لومړی توپ وهنه اډیلیډ سټرایکرز لوبډلې وکړه او په ټاکلو شلو اورونو کې یې بریسبین هیټ لوبډلې ته د ۷ لوبغاړو په سوزیدو سره د ۱۴۸ منډو هدف ورکړ.

بریسبین لوبډله د هدف ترلاسه کولو کې پاتې راغله؛ په ۱۶،۲ اورونو کې یې ټول لوبغاړی په ۱۰۹ منډو وسوزیدل او لوبه یې د ۵۶ منډو په توپیر اډیلیډ لوبډلې ته وبایلله.

په دې لوبه کې راشد خان په خپلو څلورو اورونو کې د ۱۹ منډو په ورکولو سره دوه لوبغاړی وسوزول او توپ وهنه کې یې په دوه توپونو یوه شپږیزه هم ووهله.

راشد په لومړۍ او دویمه لوبه کې هم د کمو منډو په ورکولو سره دوه دوه لوبغاړی سوزولی وه او په لومړۍ لوبه کې یې د لوبې د غوره لوبغاړی جایزه هم ترلاسه کړې وه.

نصرت الله عمرزی

ستاسو اعلانات دلته

About خبرونه څانګه

This site uses Akismet to reduce spam. Learn how your comment data is processed.